top of page

Հայտարարություն հուլիսի 28-ին ՀՀ սահմանին կատարված դեպքերի վերաբերյալ

Հայաստանի Հանրապետության բոլոր հայաստանակենտրոն քաղաքական ուժերին առաջարկում ենք միախմբվել մեկ հստակ օրակարգի շուրջ և պահանջել գործող կառավարող ուժից միջազգային համագործակցության նպատակով ընտրել քաղաքակրթական ամենանպաստավոր ուղղությունը Հայաստանի Հանրապետության համար՝ հստակ հնչեցնելով մեր դիրքորոշումն ու կամքը, ինչը թույլ կտա անվտանգային հարցերում անխոչընդոտ օգտվել պաշտպանության տարածաշրջանային ու ունիվերսալ իրավական մեխանիզմներից ու գործիքակազմերից։


Հայաստանի Հանրապետությունն իր անվտանգությունն ապահովելու և ինքնիշխանությունը պահպանելու համար կարիքն ունի այնպիսի միջազգային գործընկերների, որոնց վստահելիության և դաշնակցային նպատակների մեջ կասկածելու որևէ հիմքեր չունի, և որոնք նաև պատրաստ կլինեն ժամերի ընթացքում գործելու ըստ դաշնակցային պայմանավորվածությունների, ի տարբերություն այսօր գոյություն ունեցող և փաստացի չգործող միջնորդային և դաշնակցային երաշխիքների։


Կոչ ենք անում Վարչապետ Նիկոլ Փաշինյանին՝ դիմել Մինսկի խմբի համանախագահ երկրներ ԱՄՆ-ի և Ֆրանսիայի նախագահներին վերադառնալ բանակցային սեղանին, և գործուն կերպով աջակցել Հայաստանին դիմակայել ՀՀ-ն օղակող ռուս-թուրքական աքցանին, որում Ադրբեջանական ագրեսիայի պատճառով ամեն օր հայ զինվորներ են զոհվում, չնայած Ռուսաստանի Դաշնության կողմից երաշխավորված հրադադարների։

Անկախ քաղաքական բոլոր տարաձայնություններից և պատրաստ լինելով ծառայել Հայաստանի Հանրապետությանը, առաջարկում ենք կառավարող ուժին նաև մեր կուսակցության անդամների դիվանագիտական և բանակցային ներուժը, այն հօգուտ Հայաստանի Հանրապետության քաղաքացիների անվտանգությանը և ինքնիշխանությանը ծառայեցնելու համար։


ՁԱՅՆ ԼՊԿ Կառավարող Խորհուրդ


Comments


bottom of page