top of page

«Ձայն» Լիբերթար Պահպանողական կուսակցության կոչը հայ ժողովրդին

Հարգելի հայրենակիցներ,


Իշխանության ձևավորման միակ սահմանադրական և քաղաքակիրթ ձևը ընտրություններն են, որտեղ Հանրապետության բոլոր քաղաքացիները, անկախ իրենց բնակության վայրից, սոցիալական խավից, ստացած կրթությունից և կենսամակարդակից, ունեն հավասար ձայն և իրավունքներ. այստեղ չի կարող լինել որևէ այլ տեսակետ։


Մեր ունեցած տեղեկություններով 2021 թվականի հունիսի 20-ին տեղի ունեցած արտահերթ ընտրությունները անցել են ժողովրդավարության սկզբունքներին համաձայն. Հայաստանի Հանրապետության քաղաքացիները բավականին հստակ արտահայտել են իրենց կամքը։


Օրինականության սահմաններում ընտրության արդյունքները ընդունելի են իրենց ժողովրդավարական և քաղաքակիրթ համարող բոլոր ուժերի համար, անկախ այդ արդյունքներում կուսակցությունների գրանցած ձեռքբերումներից։

Քաղաքացիների տեսակավորումը կամ պիտակավորումը ըստ իրենց քաղաքական հայացքների զազրելի և պարսավելի նախաձեռնություն է։


Մենք կոչ ենք անում զսպվածության, ողջամտության և քաղաքակիրթ լուծումների։ Մեր հանրությունը վերջին տարիներին բախվեց աննախադեպ քանակությամբ մարտահրավերների և դրանք դեռ շարունակվելու են։ Լուծման մեկնակետը մենք տեսնում ենք զսպվածության և ողջամիտ համախմբվածության մեջ։


Կոչ ենք անում ամեն տեսակի բռնության բացառման։ Բոլոր հարցերը և տարաձայնությունները պետք է լուծվեն բռնության բացառմամբ։ Բռնության ցանկացած փորձ և դրսևորում համարում ենք պետական դավաճանությանը հավասար գործողություն, և իրավապահ համակարգից պահանջում ենք համապատասխան մոտեցում։


Ընտրությունները և դրանց արդյունքները անայլընտրանք են, ժողովրդի կամարտահայտությունը իշխանության կոթողային հիմքն է։

Քաղաքական այս շրջափուլն ավարտվեց, այժմ բոլորս պետք է լծվենք իրավիճակի կայունացմանը, պատրաստվենք նոր շրջափուլին, ու հաջորդ ընտրություններին, որոնք, կարծում ենք, նույնպես լինելու են արտահերթ։


«Ձայն» Լիբերթար Պահպանողական կուսակցության կառավարող խորհուրդ



Comments


bottom of page